968 гаруй сая төгрөгийн үнэ бүхий хар тамхийг шуудан илгээмж ашиглан хилээр хууль бусаар нэвтрүүлэхийг завджээ

Шуудан илгээмж ашиглаж мансууруулах, сэтгэцэд нөлөөт бодис улсын хилээр хууль бусаар нэвтрүүлэхийг завдсан гэмт хэргийн талаар ЦЕГ-ын Хар тамхитай тэмцэх газрын дарга Ж.Эрдэнэболд мэдээллээ. 

Түүний мэдээлснээр 2019 оны эхний хагас жилийн байдлаар улсын хилээр мансууруулах, сэтгэцэд нөлөөт бодисыг хууль бусаар нэвтрүүлсэн нийт 16 гэмт хэрэг бүртгэгдсэнээс 11 гэмт хэрэг нь олон улсын шуудан илгээмж ашиглан үйлдсэн байна. Үүнд Испани улсаас гурав, ХБНГУ-аас хоёр, Нидерландаас хоёр, АНУ-аас хоёр, Тайландаас нэг, Англиас нэг удаа оруулж ирэхийг завжээ.

Тухайлбал, нийт 718,9 гр мөс гэх нэршилтэй бодис, 30,5 гр каннабис, 3021 гр хашиш, 30 гр каннабисын тос, LSD 13 ширхэг ширхэг, экстази 115 ширхэгийг илрүүлжээ. Энэ нь хар зах зээлийн ханшаар 968 сая 818 мянган төгрөг болж байна. Иймд тус хэлтсээс Гаалийн байгууллагатай мэдээлэл солилцох, мэрэгшүүлэх чиглэлээр хамтран ажиллаж байгаа аж.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)