18-24 насны 13 этгээд бүлэглэн дээрэмдэх гэмт хэрэг үйлддэг байсан нь тогтоогджээ

Нийслэлийн цагдаагийн газрын Мөрдөн шалгах газрын Хүнд гэмт хэрэгтэй тэмцэх хэлтэс, Эрүүгийн цагдаагийн албаны Хүнд гэмт хэрэгтэй тэмцэх хэлтэс хамтран ажиллагаа зохион байгуулжээ. 

Энэ ажиллагааны хүрээнд гуравдугаар сарын 13-14-нд шилжих шөнө бусдын эд хөрөнгийг дээрэмдэх хэрэг үйлдсэн этгээдүүдийг баривчилсан байна. Шалгалтын явцад 18-24 насны 13 этгээд бүлэглэн дээрэмдэх гэмт хэрэг үйлддэг байсан нь тогтоогджээ. Уг этгээдүүд ихэвчлэн согтууруулах ундаа хэтрүүлэн хэрэглэж биеэ авч явах чадваргүй болсон, ганцаараа гэрэлтүүлэг, хяналтын камергүй газарт оройн цагаар яваа хүмүүсийг сонгон дээрмийн гэмт хэрэг үйлддэг байсан байна. 

Нийслэлийн хэмжээнд 2019 оны эхний хоёр сарын байдлаар энэ төрлийн 231 хэрэг бүртгэгджээ. 

Иймд иргэдийг согтууруулах ундааны зүйл тохируулан хэрэглэх, оройн цагаар болгоомжтой явах, баталгаат таксигаар үйлчлүүлэх зэргээр болзошгүй эрсдэлт өртөхөөс урьдчилан сэргийлэхийг цагдаагийн байгууллагаас анхааруулж байв.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)