16 ЧОНЫН ГУЛУУЗ ХИЛ ДАВУУЛАХЫГ ЗАВДЖЭЭ

Хөлдөөсөн 16 чоно хууль бусаар хил давуулах гэсэн хэрэг энэ сарын 9-нд Замын-Үүд боомтод гарлаа. Тус боомтын авто замын шалган нэвтрүүлэх экспортын хяналтын талбайд 11.00 цагийн үед ирсэн 26-40 ДОА улсын дугаартай “Зил-130” маркийн ачааны автомашиныг Хилийн мэргэжлийн хяналтын албаны мал эмнэлгийн хяналтын улсын байцаагч Д.Батмөнх шалгахад 16 чонын гулууз гарч ирсэн аж.

Тэдгээрийн 14-ийг хар өнгийн нийлэг уутанд тус тусад нь хийж, наалддаг туузаар битүү ороосон байсан бол хоёрыг нь том саарал өнгийн цүнхэнд хийсэн байжээ. Дээрх машины жолооч Г.Хүрэл, туслах жолооч Н.Гэрэлт-Од, Г.Батсүх нар тэвшин дээрээ ачсан ангаа юмаар хуч сан байсан гэнэ. Энэ хэргийг Замын-Үүд сумын Цаг даагийн хэлтэст шалгуулахаар шилжүүлжээ.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)