15 дугаар сургуульд хөл хорио тогтоох шаардлагагүй гэж үзлээ

Хан-Уул дүүргийн 15 дугаар сургуулийн сурагчид олноороо сүрьеэгийн халдвар авсан талаарх мэдээллийг бид өмнөх дугаартаа нийтэлсэн. Тодруулбал, тус сургуулийн нэг багш, 38 хүүхэд сүрьеэгийн халдвар авсныг ХӨСҮТ-ийнхөн тогтоосон бөгөөд 500 гаруй хүүхэд далд хэлбэрийн сүрьеэтэй болох нь илэрсэн юм. 

Эцэг, эхчүүд болсон явдалд бухимдаж, сургуулийн үйл ажиллагааг зогсоохыг БСШУСЯ-ныхнаас хүссэн байна. Энэ талаар тус яамны Ерөнхий боловсролын бодлогын газрын дарга Т.Ням-Очироос тодруулахад “Эрүүл мэндийн байгууллагууд Хан-Уул дүүргийн 15 дугаар сургуульд хөл хорио тогтоох шаардлагагүй гэж үзсэн. Эцэг, эхчүүдийн санал чухал ч мэргэжлийн байгууллагынхны дүгнэлтэд үндэслэж, шийдвэрээ гаргах ёстой. Тиймээс сургуулийн үйл ажиллагааг зогсоогоогүй. Ирэх даваа гараг хүртэл ариутгаж, халдваргүйжүүлэх ажил хийнэ” гэлээ.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (12)