11-тэй хүүг дээрэмдсэн өсвөр насныхныг эрэн сурвалжилж эхлэв

 Чингэлтэй дүүрэгт байрлах ерөнхий боловсролын 57 дугаар сургуулийн сурагч 11 настай хүүг дээрэмджээ. Эх сурвалжийн мэдээлснээр дээрэмчид өсвөр насныхан байж. 160-170 см өндөртэй тэдгээр хоёр дээрэмчин өчигдөр 18.00 цагийн орчимд сургуулийн хажуугийн талбайд явж байсан хүүгийн “самсунг” загварын гар утсыг булааж зугтсан аж. Хүүхдийн гар утсыг дээрэмдсэн өсвөр насны залуусыг цагдаагийнхан эрэн сурвалжилж байна. Үүнээс гадна сургуулийн орчимд эргүүл хийж, хяналт тавих үүрэгтэй “school police” нарыг хүүхдийн аюулгүй байдлыг хангаж, сонор сэрэмжтэй байхыг цагдаагийнхан анхааруулсан юм.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)