Үр тариа хураах ажлын явц 4.7, төмснийх 42 хувьд хүрэв

Энэ онд улсын хэмжээгээр 536.6 мянган га талбайд тариалалт хийсэн бөгөөд урьдчилсан балансаар үр тариа 513.3, төмс 237, хүнсний ногоо 113.6, малын тэжээл 109.4 тонныг хураан авахаар төлөвлөсөн. Тэгвэл өнгөрсөн лхагва гаргийн байдлаар 17.9 мянган га-гаас 23.1 мянган тонн үр тариа хураасны 21.8 мянга нь улаан буудай байв. Мөн 7.8 мянган га-гаас 104.3 мянган тонн төмс, 3.4 мянган га талбайгаас 39.6 мянган тонн хүнсний ногоо хураасан аж. Ингэснээр үр тариа хураах ажлын явц 4.7, хүнсний ногооных 35.7, төмснийх 42 хувьд хүрсэн гэв. Түүнчлэн 25.7 мянган га талбайг ангилан хадсан байна. Сүүлийн 10 хоногт цаг агаар тогтуун байсны үр дүнд ургац хураалтыг саадгүй, хэвийн үргэлжлүүлсэн бөгөөд аравдугаар сарын эхний хагаст багтаан дуусгахаар төлөвлөснийг ХХААХҮЯ-наас мэдээллээ. Ташрамд дурдахад, энэ онд тариалангийн талбайг өнгөрсөн жилийнхээс 20 орчим хувиар нэмэгдүүлж, ургацын хэмжээг ч 30 хувиар өсгөх төлөвлөгөөтэй байгаа юм.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)