Үлгэрийн танхимаа зургаан настнуудад зориулжээ

 Улаанбаатар хотын төв номын сангийн Сонгинохайрхан дүүрэг дэх салбар үлгэрийн танхимтай болжээ. Нийслэлийн Сонгинохайрхан дүүргийн Засаг даргын Тамгын газрын Нийгмийн хэлтсийнхэн дунд сургуулийн босго алхан, А үсэг заалгаж буй багачуудад зориулан уг танхимыг нээсэн байна.

Энд уншаад баймаар зурагтай, зугаатай үлгэрийн номууд бий. Сонгинохайрхан дүүрэг дэх салбар номын сангийн ажилтнуудын бичсэн төслийг тус дүүргээс сонгогдсон УИХ-ын гишүүн Д.Батбаяр, Шадар сайд Н.Алтанхуяг нар 50 сая төгрөгөөр санхүүжүүлжээ.

Энэ мөнгөөр номын сандаа дохиолол, тавиур, уншигч ашиглах компьютер зэрэг нэн шаардлагатай зүйлс авч тохижуулсан гэнэ. Тиймээс аль ч насны хүүхэд хүүхдийн уншлагын болон үлгэрийн танхимд тааваараа сууж, хүссэн номоо унших орчин нөхцөл бүрдсэн гэсэн шүү.


Х.БОЛОР


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)