Эрүүл мэндийн байгууллагууд өндөржүүлсэн бэлэн байдалд ажиллаж байна

Ойрын өдрүүдэд  төв болон говийн аймгуудын зарим нутгаар үеэр болсонтой холбогдуулан Эрүүл мэндийн байгууллагууд өндөржүүлсэн бэлэн байдалд ажиллаж байна.

Эрүүл мэндийн Сайдын өгсөн үүргийн дагуу үерийн голомтод мэргэжлийн эмч нарын баг ажиллаж, гамшигт өртөгсдөд эрүүл мэндийн болон сэтгэл зүйн тусламж үйлчилгээг  шуурхай үзүүлж байна.

Тухайлбал, Төв аймгийн Баянхангай сумын эмнэлэгт аймгийн төвийн мэргэжлийн эмч нар ажиллаж,  25 настай жирэмсэн эмэгтэйг эсэн мэнд амаржууллаа. Мөн үерийн усанд боогдсон 30 гаруй зорчигчдод эмч нар үзлэг хийж, шаардлагатай арга хэмжээг авлаа.  

Эрүүл мэндийн яамны зүгээс ард иргэд, аж ахуйн нэгж, байгууллагуудад хандсан сэрэмжлүүлэг, мэдээ мэдээлэл, цуврал зөвлөмжийг хэвлэл мэдээллийн хэрэгслээр тогтмол явуулж байна.

Цаашид нийт нутгаар хур бороо үргэлжлэн орох тул ард иргэдийг Эрүүл мэндийн байгууллагуудаас гаргасан зөвлөмжийг хэрэгжүүлэн эрсдлээс сэргийлж, бага насны хүүхдийг хараа хяналтгүй орхихгүй байхыг Эрүүл мэндийн яамнаас анхааруулж байна.
  


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)