Эрэн хайх, аврах ангийн усчин аврагчдын сургалт, дадлага боллоо

Баруун бүсийн Онцгой байдлын газар, хэлтсүүдийн Эрэн хайх, аврах ангийн усчин аврагчдын сургалт, дадлага Ховд аймгийн Онцгой байдлын газрын харьяа “Усан спорт сургалтын төв”-д зохион байгуулагдаж байна.

Мэргэжлийн усчин аврагчдыг бэлтгэх, дадлагажуулах, алба хаагчдын бие бялдар, сэтгэлзүйн хөгжлийг дэмжих, цэргийн хэргийн мэдлэгийг дээшлүүлэх зорилгоор зохион байгуулагдаж буй тус сургалт, дадлага нь батлагдсан хөтөлбөрийн дагуу жагсаалын үзлэг, бэлтгэл, танхимын сургалтаар эхэлсэн юм.

Сургалтад баруун бүсийн Ховд, Баян-Өлгий, Увс, Завхан, Говь-Алтай аймгуудын Онцгой байдлын газрын 35 усчин аврагч хамрагдаж байна.

Сургалт, дадлага энэ сарын 21-ний өдөр хүртэл үргэлжилнэ гэж Онцгой байдлын ерөнхий газраас мэдээллээ.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)