“Эрх баригчид өрсөлдөгчгүйгээр сонгуульд оролцох гэж байна”

“Дархан-Уул аймгийн иргэдийн сонгох эрх зөрчигдөж байна” хэмээн УИХ дахь АН-ын бүлгээс Ерөнхийлөгчид ханджээ. АН-ын Дархан-Уул аймгийн хороо УИХ-ын 2020 оны сонгуулийн хандивын тайланг тус аймаг дахь төрийн аудитын байгууллага баталгаажуулаагүй тул Сонгуулийн хороо нь тус намыг орон нутгийн сонгуульд оролцуулахгүй, нэр дэвшигчдэд нь үнэмлэх олгоогүй аж. Иймд Дархан-Уул аймгийн АН-ынхан Төрийн тэргүүнд гомдол мэдүүлснийг парламент дахь намын бүлгийнхэн нь уламжилсан нь энэ. Тэд Сонгуулийн ерөнхий хороонд ч шаардлага хүргүүлжээ. АН-ын бүлгийн дарга Д.Ганбат Ерөнхийлөгчид шаардлага хүргүүлэхдээ “Орон нутгийн сонгуулийн санал хураалт хэдхэн хоногийн дараа болох гэж байна. Гэтэл Дархан-Уул аймагт хэлбэр төдий сонгууль болох нь. Энэ бүхнийг урьдаас төлөвлөж, зохион байгуулсан. Эрх баригч нам өрсөлдөгчгүйгээр сонгуульд оролцох гэж байна” гэлээ.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)