Энэ долоо хоногт ДУЛААРНА

ЦУОШГ-аас 2019 оны наймдугаар сарын 26-наас есдүгээр сарын 2-ныг хүртэлх долоо хоногийн цаг агаарын урьдчилсан төлөв байдлыг танилцуулжээ. Тус мэдээнд дурдсанаар хугацааны эхэнд зүүн аймгуудын нутгаар бороо орно. Бусад хугацаанд бүх нутгаар бороо орохгүй, дулаарах гэнэ.

Тодруулбал, 27-нд зүүн аймгуудын ихэнх нутгаар, 28-нд зүүн аймгуудын зүүн хэсгээр бороо орно. Бусад хугацаанд бороо орохгүй. Салхи 27-нд зүүн аймгуудын нутгийн зарим газраар, 9 дүгээр сарын 1-нд Алтайн салбар уулсаар 13-15м/с хүрч ширүүснэ. Агаарын температур хугацааны эхэнд зүүн аймгуудын нутгаар сэрүүхэн байх боловч бусад хугацаанд бүх нутгаар дулаарч Алтай, Хангай, Хөвсгөл, Хэнтэйн уулархаг нутаг, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 1-6 градус, өдөртөө 19-24 градус, Их нууруудын хотгор болон  говийн бүс нутгийн өмнөд хэсгээр шөнөдөө 15-20 градус, өдөртөө 28-33 градус, бусад нутгаар шөнөдөө 8-13 градус, өдөртөө 23-28 градус дулаан байна.  


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)