ШУУРХАЙ: Б.Батзоригийг сайдын албан тушаалаас нь огцруулахаар боллоо


УИХ дахь МАН-ын бүлэг хуралдаж, хоёр асуудал хэлэлцлээ. Нэгдүгээрт, Ерөнхийлөгчийн саналтай холбоотой, нөгөөх нь ЖДҮХС-гаас нэр бүхий улстөрчид их хэмжээний зээл авсан мэдээллүүд олон нийтийн мэдээллийн сүлжээ болон сошиалаар тархаад байгаатай холбогдуулан УИХ дахь МАН-ын бүлэг хуралдлаа. Хуралдаанаар ЖДҮХС-гийн зээлийн үйл ажиллагааг алдагдуулсан гэх үндэслэлээр дөнгөж сая ХХААХҮ-ийн сайд Б.Батзоригийг хариуцлага тооцож, албан тушаалаас нь огцруулах шийдвэрийг гаргажээ. МАН-ын бүлгийн дарга Д.Хаянхярваа "ХХААХҮ-ийн сайдыг огцруулах асуудлыг УИХ-д өргөн барихаа Ерөнхий сайд мэдэгдсэн. Мөн ЖДҮХС-гаас зээл авсан хүмүүсийг ойрын хугацаанд төлбөрөө эгүүлэн төлж, хуулийн байгууллагуудаар шалгуулах чиглэл өглөө” гэв.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)