Шилдэг дугуйчдын уралдаанд Б.Марал-Эрдэнэ өнгөлөв

Дугуйн спортын шилдэг тамирчдын дунд лигийн сорилт тэмцээнийг Монголын дугуйн холбооны дэд ерөнхийлөгч, “Монрууд” клубийн тэргүүн ОУХМ Г.Анхбаярын санаачилгаар ганцаарчилсан, багийн, бөөн гараатай уралдааныг энэ сарын 21-23-нд анх удаа зохион байгууллаа. Тэмцээнд 27 тамирчин гурван баг болж өрсөлдсөн. Ганцаарчилсан 25 км-ийн уралдаан Төв аймгийн Алтанбулаг сумд болоход “Аlti¬us” багийн тамирчин, Азийн аварга Б.Марал-Эрдэнэ тэргүүлж, “Fortius” багийн дугуйчин ОУХМ Э.Болор-Эрдэнэ удаалан, дэлхийн аварга Б.Тэгшбаяр III байрт шалгарав. Шинэ нисэхийн хурдны замд зохион байгуулсан багийн 50 км-ийн уралдаанд ОУХМ Т.Төгөлдөр дасгалжуулагчтай “Citius” багийн тамирчид түрүүлжээ. Тэгвэл бөөн гараатай 105 км-ийнх Налайх, Хоолтын даваа, Төв аймгийн Зуунмод сумын чиглэлд өрнөхөд Азийн аварга Б.Марал-Эрдэнэ аваргалж, ОУХМ Э.Болор-Эрдэнэ, Э.Билгүүнжаргал нар удааллаа.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)