Цонхон дээрээ гарч зогссон 2 настай хүүхдийг аварчээ

Барилгын өндөр давхраас хүн унах гэж байна гэсэн дуудлагын  дийлэнх нь хараа хяналтгүй орхисон бага насны хүүхэд байдаг. Өнгөрсөн амралтын өдөр Багануур дүүргийн 1 дүгээр хороо 17 байрны цонхоор хүүхэд унах гэж байна гэсэн дуудлагын дагуу гал түймэр унтраах аврах 64 дүгээр ангийн албан хаагчид тус байранд очиход 2 настай хүүхэд цонхон дээр гарсан байсныг аюулгүй болгож амь насыг нь авран хамгаалсан байна.

Мөн Сүхбаатар дүүргийн 10 хороо 48 дугаар байрны цахилгаан шатанд хүүхдүүд гацсан байна гэсэн дуудлагын дагуу аврах шуурхай салбарын албан хаагчдыг очиход 5-11 насны 3 хүүхэд хараа хяналтүй цахилгаан шатанд 1 цаг орчим гацсан байсныг гаргасан байна.

Иймд иргэдийг ахуйн ослоос урьдчилан сэргийлж  бага насны хүүхдэд тавих хараа хяналтыг сайжруулах, харгалзах хүнгүйгээр гэрт нь цоожилж үлдээхгүй байж, хүүхдэд тавих хараа хяналтаа сайжруулахыг Нийслэлийн онцгой байдлын газраас анхаарууллаа.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (1)