Хөвсгөлд хил зөрчин орж ирсэн гэх тува нарыг олсонгүй

Хөвсгөл аймгийн Баянзүрх суман дахь хилийн цэргийн дугаар заставын хариуцсан хэсгээр гурван морьтой хүн хил зөрчиж, орж ирсэн мөрийг хилчид илрүүлжээ. Энэ тухай мэдээллийг хилчид долоодугаар сарын 7-нд харьяа ангидаа ирүүлсний дагуу Хилийн цэргийн 0257 дугаар ангиас эрэн хайх бүлэг томилж, нутгийн ардуудыг дайчлан гурван өдөр мөрийг мөшгөсөн ч тодорхой үр дүнд хү рээгүй байна.

Хөвсгөл аймгийн Баянзүрх суман дахь хилийн энэ хэсгээр урьд нь ч тува нар хил зөрчин ирж, нутгийн гүнд бүгж байгаад эрлийг зогсоосны дараа мал хулгайлан оддог байж. Тиймээс тэндхийн хилийн цэргийнхэн одоо ч өндөржүүлсэн бэлэн байдалд ажиллаж байна.

 Л.АРГАМЖИН


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)