Хүүхдийнх нь төрсөн өдрөөр цалинтай чөлөө олгоно

Монгол Улс даяараа 2019 оны наймдугаар сарын 25-наас есдүгээр сарын 25-ны өдрүүдийг залуучуудын хөгжлийн сар болгон тэмдэглэн өнгөрүүлсэн билээ. Энэ үйл ажиллагааны хүрээнд Хан-Уул дүүргийн Засаг даргаар ахлуулсан Залуучуудын хөгжлийн салбар зөвлөлөөс 10 санал санаачлага дэвшүүлсний нэг нь байгууллага, аж ахуйн нэгжүүд албан хаагчдынхаа хүүхдийн төрсөн өдрөөр 1 өдрийн цалинтай чөлөө олгох шийдвэрийг гаргаж, хэрэгжүүлж ажиллах явдал байлаа. 

Хан-Уул дүүргийн хэмжээнд энэхүү санал санаачлагыг Гэр бүл, хүүхэд, залуучуудын хөгжлийн хэлтэс, Усан спорт сургалтын төв, Цагдаагийн 2 дугаар хэлтэс, Хөдөлмөр халамж үйлчилгээний хэлтсүүд дэмжиж тушаал шийдвэрээ гарган ажиллаж байна.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (1)