Хүнс түгээх автомашиныг өглөө, оройн цагаар борлуулалт хийлгэхгүй гэжээ


Монголын Хүнсчдийн холбооноос хүнсний түгээлтийн автомашиныг цагийн хязгаарлалттай явуулдаг болох шийдвэрийг дагах боломжгүй гэдгээ мэдэгдэж хэвлэлийн бага хурал зарлалаа.

НИТХ-аас Улаанбаатар хотын бүсэд өглөө 06:00-10:00 цаг, оройн 16:00-20:00 цагуудад борлуулалт түгээлт болон тохижилт үйлчилгээний гэх мэт ачааны автомашины хөдөлгөөнийг хязгаарлах шийдвэрийг гаргана хэмээн мэдэгдсэн билээ.

Монголын Хүнсчдийн Холбооны зүгээс мэдэгдэхдээ "Өглөө 06:00-10:00, оройн 16:00-20:00 цагийн хооронд бидний ажил ид өрнөж байдаг. Тиймээс өөрсдийн боломжтой саналаа боловсруулж, УБ хотын замын түгжрэлийг бууруулах зорилгоор НЗД-ын орлогч П.Баярхүүгээр ахлуулсан "Авто замын түгжрэлийг бууруулах ажлын хэсэг"-ийн дарга, зөвлөх, ажлын хэсэгтэй уулзаж санал тавьсан боловч хүлээж авсангүй. Уг шийдвэрээ эргэн харж, оролцогч бүх талуудаа хамруулан үзэл бодол, саналыг сонсож дахин шийдвэр гаргахыг хүсч байна " гэсэн юм.



Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)