Хятадын ижил хүйстнүүдийн уралдаан

Бээжин хотын LAN цэнгээний газарт “Mr. Gay China” нэртэй ижил хүйстнүүдийн мистер шалгаруулах тэмцээн болно. Анх удаагаа болж байгаа уг тэмцээнд Өвөрмонгол, Шинжаан, Сычуань, Ляонин, Хэйлунзян мужийн найман “цэнхэр” оролцох гэнэ.
Тэмцээн гурван шаттай явагдана. Эхний шатанд авьяас чадвараа шалгуулан дуулж, бүжиглэж, шүлэг уншсан ч болох юм байна. Хоёрдугаар шатанд Германы алдартай гэй загвар зохион бүтээгчийн хувцсыг амилуулах үзүүлбэр багтжээ. Төгсгөлийн шатанд үзэгчдийн асуултад хариулах ба хурц ухаан, алиа наргианч чанарыг нь үнэлэх аж. Ялагч хоёрдугаар сард Норвегийн Ослод болох “Дэлхийн гомо мистер” тэмцээнд оролцоно.
Хятадууд ижил хүйстнээ сонирхох нь мэдрэлийн өвчин гэж үзэж байснаа 2001 оноос тэднийг хүлээн зөвшөөрөх болсон аж. 
М.СУГАРАА


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)