Худалдааны салбарын борлуулалт 10.7 хувиар буурчээ

Энэ оны эхний таван сард манай улсын худалдааны салбарын борлуулалт 10.7 хувиар буурсныг Үндэсний статистикийн хороо мэдээллээ. Тодруулбал, тайлант хугацаанд нийт борлуулалт 8.7 их наяд төгрөг болж, өнгөрсөн оны мөн үеийнхээс нэг их наядаар буюу 10.7 хувиар буурсан аж. Харин тавдугаар сард өмнөх сарынхаасаа 210.4 тэрбум төгрөгөөр буюу 12.8 хувиар өссөн байна. Худалдааны салбарын борлуулалтад бөөний худалдааны орлого 52.5, жижиглэнгийнх 47.5 хувийг эзэлжээ. Мөн нийт борлуулалтын 84.3 хувь нь Улаанбаатарт ногдсоныг ҮСХ-ны тайланд дурджээ. Улмаар нийслэлийн худалдааны салбарын борлуулалт 1-5 дугаар сард 7.3 их наяд төгрөг болж, өмнөх оны мөн үеийнхээс 12.8 хувиар багасжээ. Тавдугаар сард өмнөх сарынхаасаа 170.1 тэрбум төгрөг буюу 12.3 хувиар нэмэгдсэн гэнэ.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)