“Хилийн өнгө” үзэсгэлэнд саатаарай

   “Эх орны манаа” сонинг үүсгэн байгуулж, хилчин, уншигчдын гарт хүргэж эхлээд хэдийн 80 жил өнгөрчээ. Цэргийн гавьяаны одонт хилчдийн хэвлэлийнхэн ойгоо угтаж ХХЕГ-ын дэмжлэгтэйгээр “Хилийн өнгө” нэртэй гэрэл зургийн үзэсгэлэнг нийтэд зориулж дэлгэжээ. ОХУ-ын Шинжлэх ухааны соёлын төвд өнөөдөр нээлтээ хийсэн уг үзэсгэлэнд ХХЕГ-ын Олон нийттэй харилцах албаны гэрэл зурагчин, ахлах дэслэгч Л.Номингэрэлийн авсан 80 бүтээл тавигдах юм. МАХН-ын Төв хорооны тэргүүлэгчдийн 1940 оны аравдугаар сарын 3-ний А/23 дугаар тогтоолоор анх “Эх орны манаа” сонинг хилчдэд зориулж гаргахаар болсон түүхтэй. Түүхт сонины ойн хүрээнд цэргийн байгууллагуудын хэвлэл мэдээллийнхний дунд “Эх орны манаа-80” эрдэм шинжилгээний бага хурал зохион байгуулах юм байна.  


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)