ХДХВ-ийн шинэ зүйл илэрснийг сэрэмжлүүлэв

Хүний дархлал хомсдолын вирусийн шинэ дэд зүйлийг илрүүлсэн талаараа олон улсын эрдэмтэд мэдээлж, сэрэмжлүүлж байна. Сүүлийн 20 жилийн хугацаанд ХДХВ-ийн шинэ дэд зүйл анх илэрсэн нь энэ бөгөөд үүнийг латин L үсгээр тэмдэглэх болжээ. Тодруулбал, ХДХВ-1 хэлбэрийн хамгийн түгээмэл, аюултай М бүлгийн L вирус гэсэн үг. Одоогийн байдлаар эл вирус гурван өвчтөнд илэрсэн аж. Гэхдээ халдвар авсан хүний тоо хэдэн зуугаар хэмжигдэнэ гэдгийг анхааруулжээ. Судлаачдын үзэж буйгаар, илэрсэн нь л энэ цагт болохоос шинэ гэж байгаа эл вирус өмнө нь ч байсан. ХДХВ байнга хувьсдаг нь шинэ дэд зүйл гарч ирэхэд нөлөөлсөн байх магадлалтай гэнэ. Дэд зүйл L-ийг илрүүлэн, нээсэн нь ХДХВ-ийн төрөл зүйл үүсэх механизмыг илүү сайн ойлгоход тусалсан дэвшил гэж эрдэмтэд санал нэгтэй байна.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (22)