Хасагдах шатны багууд өнөөдөр тодрох нь

Дөрөв дэх өдрөө үргэлжилж буй, аймгуудын хөлбөмбөгийн аварга шалгаруулах тэмцээний хэсгийн шатны тоглолтууд өнөөдөр өндөрлөж, хасагдах шатанд өрсөлдөх багууд тодорно. Өчигдөр нэгдүгээр шатны А хэсэгт өрсөлдсөн Баянхонгор аймгийн баг 6:1- ээр “Хэнтий”-г хожиж, хэсгээсээ хоёрдугаар байрт шалгарав. Харин энэ хэсгийн сүүлчийн тоглолтод Сэлэнгэ аймгийн баг 7:0-ээр дундговийнхныг ялж, хэсгийн нэгдүгээр байраар хасагдах шатанд шалгарсан. В хэсэгт өрсөлдсөн Говьсүмбэр аймгийнхан 12:1-ээр Завханы багийг буулган авч, хасагдах шатанд тоглох эрхээ авлаа. Уг тоглолтод Завхан аймгийн баг анхныхаа гоолыг оруулсан юм. Харин дорноговьчууд 10:0-ээр Өвөрхангайн багийг илүүрхсэнээр В хэсгийг тэргүүлэн хасагдах шатанд шалгарав. Монголын хөлбөмбөгийн тэмцээнүүд өчигдрөөс үзэгчтэй явагдаж эхэллээ.

Бэлтгэсэн: У.Чинзориг 


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)