Усан халианд тоглож байсан дөрвөн хүүхэд живсэн харамсалтай хэрэг гарчээ

Өнөөдөр 17.00 цагийн орчимд Баянзүрх дүүргийн 11-р хорооны нутаг дэвсгэрт байрлах Маршалын гүүрний зүүн хойно буюу нийслэлийн Засаг даргын Тамгын газраас үйл ажиллагааг нь зогсоож, ажлын хэсэг байгуулан шалгалт явуулж байсан Үндэсний цэцэрлэгт хүрээлэнгийн урд орших усан халианд 8-12 насны дөрвөн хүүхэд тоглож байхдаа осолдож, харамсалтайгаар амь насаа алджээ. Эл газар нь Үндэсний цэцэрлэгт хүрээлэн ОНӨТҮГ-т харьяалагддаг байна. Анх цөөн объект барих зөвшөөрөл авсан “Хан талт” ХХК дур мэдэн газар ухсаныг ажлын хэсэг томилж шалгуулж байсан аж.

Нийслэлийн онцгой байдлын албаны аврах багийнхан эхний хүүхдийг уснаас гарган авч, шаардлагатай тусламж үзүүлсэн ч харамсалтай эндсэн байна. Үлдсэн гурван хүүхдийн цогцсыг уснаас гаргаж авсан ба яг одоо цагдаагийн байгууллага ослын газарт ажиллаж байна. 


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)