Улсын аварга Ч.Санжаадамбад "Ланд крузер-200" авто машиныг гардуулан өглөө

Тулгар төрийн 2225, Их Монгол Улсын 810, Ардын хувьсгалын 95 жилийн ой, Үндэсний их баяр наадмын үндэсний хүчит  бөхийн барилдаанд 10 давж түрүүлэн Улсын аварга цол хүртсэн Ч.Санжаадамбад "Ланд крузер-200" авто машиныг гардуулан өглөө. Тодруулбал, Нийслэлийн ИТХ-ын дарга Ц.Сандуй, нийслэлийн Засаг дарга бөгөөд Улаанбаатар хотын Захирагч С.Батболд нар “Toyota моторс” корпорацийн  зүүн бүсийг хариуцсан захирал Нанахара Хироаки тэргүүтэй төлөөлөгчдийн хүлээн авч уулзлаа.

Уулзалтын эхэнд нийслэлийн удирдлагууд юуны өмнө Үндэсний их баяр наадмын албан ёсны түншээр гурав дахь жилдээ хамтран ажиллаж байгаад талархал дэвшүүлээд, замын хөдөлгөөний аюулгүй байдлыг хангах чиглэлээр хамтран ажиллах саналтай байгаагаа илэрхийллээ.

Уулзалтын дараа Тулгар төрийн 2225, Их Монгол Улсын 810, Ардын хувьсгалын 95 жилийн ой үндэсний их баяр наадмын үндэсний бөхийн барилдаанд 10 даван түрүүлсэн Монгол Улсын Аварга Ч.Санжаадамбад “Тоyoтa мотор” корпорациас  “Ланд крузер-200”  авто машиныг гардуулан өгөх ёслолын ажиллагаа боллоо. Энэхүү арга хэмжээнд нийслэлийн ИТХ-ын дарга Ц.Сандуй, нийслэлийн Засаг дарга бөгөөд Улаанбаатар хотын Захирагч, Үндэсний их баяр наадмыг зохион байгуулах хорооны дарга, С.Батболд нар оролцож, түрүүлсэн бөхөд баяр хүргэлээ 


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (1)