УИХ-ын даргыг яаралтай огцруулах чиглэл гаргалаа

МАНАН-гийн эсрэг II дахь жагсаал өнөөдөр болж, жагсагчдын төлөөлөл УИХ-ын дарга М.Энхболдтой уулзалт хийсэн. Гэсэн хэдий ч УИХ-ын дарга өөрөө огцрох өргөдлөө өгөхгүй хэмээн мэдэгдсэн учир Ерөнхийлөгч Х.Баттулга Үндэсний аюулгүй байдлын зөвлөлийг яаралтай хуралдуулсан. 16.30 минутаас эхэлсэн хурал сая дуусч, шийдвэрээ гаргажээ. Энэ талаар УИХ-ын гишүүн Т.Аюурсайхан "Үндэсний аюулгүй байдлын зөвлөл 16.30 цагт яаралтай хуралдаж, зөвлөмж гаргалаа. Өнөөдөртөө багтаж УИХ-ын даргыг огцруулж болдог хуулийн төслийн бүх хэлэлцүүлгийг хийж дуусч, батлах чиглэл гарлаа" хэмээн твиттер хуудсаараа дамжуулан мэдэгдлээ.

Харин уг зөвлөмж гарсны дараа хуралдахаар болсон ч ирц бүрдэхгүй байгаа юм байна. 


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (1)