Т.Баясгалан: Цалингаа нэмэхгүй бол шинэ оныг жагсаал цуглаанаар угтана

Өнгөрсөн есдүгээр сард Боловсрол, соёл шинжлэх ухааны салбарын багш, ажилтан нар орон даяар ажил хаялт зарласан. Ажил хаялт 14 хоногийн турш үргэлжилсний эцэст Монголын боловсрол шинжлэх ухааны үйлдвэрчний эвлэлийн холбоо БСШУЯ-тай хэлэлцээр хийн гэрээ байгуулж, багш нарын цалинг долоо хувиар нэмэх тохиролцоонд хүрсэн.

Дөрвөн сарын хугацаа өнгөрөхөд төрөөс багш нарын цалингийн нэмэгдлийг огт олгоогүй хэмээн өнөөдөр болсон хэвлэлийн бага хурлын үеэр Монголын шинжлэх ухааны байгууллагуудын Үйлдвэрчний эвлэлийн нэгдсэн хорооны дарга  Т.Баясгалан онцоллоо.

Мөн тэрбээр “Он дуусахаас өмнө цалингаа нэмэхгүй бол шинэ оныг жагсаал цуглаанаар угтахаас өөр аргагүй боллоо. Цалин нэмэх мөнгөгүй гэдэг бол худлаа. Албан тушаалаа ашиглан тэрбум, тэрбум төгрөг хууль бусаар завшдагийг ЖДҮ-гийн жишээнээс бид харлаа” гэжээ.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)