Тоосонцор хүлцэх хэмжээнээс 3.1 дахин их байна

Хавар болж, утаа суунаглаж харагдах нь багассан ч хоруу чанар нь арилаагүй байна. Цаг уур, орчны шинжилгээний газрынхан өнгөрсөн долоо хоногт агаарын бохирдлыг өмнөх жилийн мөн үетэй харьцуулан судалжээ. Хүхэрлэг хий, азотын давхар ислийн хэмжээ буурсан ч нарийн, бүдүүн ширхэгт тоосонцор багасаагүй, харин ч ихэссэн байна.

Тухайлбал, энэ сарын 21-нд Амгалан орчимд нарийн ширхэгт тоосонцор стандартаас 2.1 дахин, 23-нд Нисэхэд бүдүүн ширхэгт тоосонцор хүлцэх хэмжээнээс хоёр дахин их байжээ. Өчигдөр 20.30 цагийн үед Зурагт орчимд нарийн ширхэгт тоосонцрын хэмжээ 3.1 дахин их байсан юм. 

Мөн Зуун айл, Толгойт, Баянхошууг ч стандартаас их тоосонцор бүрхжээ. Ташрамд дурдахад, хүний үсний ширхгийг хэдэн арав хуваасантай тэнцэхүйц жижиг хэмжээтэй гэгддэг тоосонцор нь уушги, зүрхний өвчин, тэдгээрээс үүдэн нас барах гол шалтгаан болдог аж.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)