“Тод каннам”-ынхны хэргийг маргааш хэлэлцэхээр боллоо

“Тод каннам” эмнэлгийн эмч Д.Тодномбат, Б.Мөнгөнчимэг нарт холбогдох хэргийг Хан-Уул дүүргийн эрүүгийн хэргийн анхан шатны шүүхэд маргааш хэлэлцэнэ. Уг хэргийг өнгөрсөн жил шүүхэд шилжүүлсэн ч удаа дараа хойшлуулсаар өдийг хүрсэн юм. Тухайлбал, хамгийн сүүлд энэ оны дөрөвдүгээр сарын 8-нд хэргийг хянан хэлэлцээд хохирогчийн өмгөөлөгч Л.Баасанжав, Г.Бадамханд нарын гаргасан хүсэлтийн дагуу шүүх хурлыг хойшлуулсан. Тэд “Тод каннам” эмнэлгийн удирдлага Д.Тоднямыг гэрчээр оролцуулах хүсэлт гаргажээ.

Д.Тодням нь БНСУ-ын амьдардаг аж. Мөн коронавирус гарсны улмаас Монголд нэн даруй ирэх боломжгүй гэх хариулт өгчээ. Тиймээс шүүх бүрэлдэхүүн ийн шүүх хурлын товыг зарлалаа. НПГ-аас Д.Тодномбат, Б.Мөнгөнчимэг нарт Эрүүгийн хуулийн Хүний амийг болгоомжгүйгээр хохироох буюу 10.6-1 дахь хэсэгт зааснаар яллах дүгнэлт үйлдсэн байна. Тэд өнгөрсөн жил 29-тэй үйлчлүүлэгчид өөх соруулах мэс засал хийх явцдаа эндэгдэл гаргасан юм.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)