ТАЙМЫРТ ЕСӨН ХҮН СУРАГГҮЙ БОЛЖЭЭ

 ОХУ-ын Онц байдлын яамны бүс нутгийн ерөнхий газрын хэвлэлийн албаны мэдээлснээс үзвэл “Роснефтьбурение” компанийн ажилчдын есөн хүнтэй нэг бригад сураггүй болжээ. Тэд ГАЗ-74 маркийн газар сайгүй явдаг техник хөлөглөж явсан аж.

Ажилчид энэ сарын 16- нд “Байкаловская N3” гэдэг өрөмдлөгийн цооногоос долоон км зайд байх бааз руугаа явжээ. Гэвч товлосон хугацаандаа ирсэнгүй. Тэдэнд холбооны хэрэгсэл байхгүй юм байна. 16- ны орой, 17-ны өглөө эрж хайх, ажиллагаа зохион байгуулсан ч үр дүн өгсөнгүй. Тиймээс хиймэл дагуулын холбоо бүхий хайх аврах бүлгийг 17-нд илгээжээ.

Салхины хурд 20м/ сек, шуургатай байгаа болохоор ажилчдыг нисдэг тэргээр хайх боломжгүй байгаа аж. “Таймыр” автокомпанийн МИ-8 нисдэг тэргийг хайх ажиллагаанд оролцуулахаар төлөвлөж байгаа гэнэ.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)