Сэтгүүлч М.Уянгын эмчилгээ зогсож, хүнд байдалд оржээ

Монголын сэтгүүл зүйн салбарт үнэний дуу хоолой болж явсан "ETV" телевизийн сэтгүүлч М.Уянгын амь нас дээсэн дөрөөн дээр байна. Тэрбээр бөөр шилжүүлэн суулгах хагалгаа хийлгэхээр БНСУ-ыг зориод байгаа билээ. Гэвч эмнэлгийн төлбөр дутсаны улмаас эмчилгээ нь зогсож, хүнд байдалд ороод байна.

Эхний шатны эмчилгээ болох цусны бүлэг ижилсүүлэх эмчилгээ амжилттай болсон боловч 15сая вон буюу Монгол мөнгөнд хөрвүүлбэл 30 гаруй сая төгрөг дутсаны улмаас хамгийн гол эмчилгээ болох бөөр шилжүүлэн суулгах хагалгаа нь хойшлогдоод байна.

Хагалгааг яаралтай хийлгэхгүй бол өндөр зардлаар хийгдсэн цусны бүлэг ижилсүүлэх эмчилгээ ямар ч үр дүнгүй болох учир яах учраа олохгүй байгаа тухайгаа нөхөр Ц.Ариунболд нь учирлаж байлаа.

Харь орны эмнэлгийн дүрэм журам чанга хатуу, мөнгөгүй л бол хэн ч биш болно. Уянгын амь нас одоо та бидний гарт байна.

Монголчууд бид нэгдэж Монголын сэтгүүл зүйн салбарт үнэний дуу хоолой болж явсан сэтгүүлч М.Уянгын эмчилгээг эхлүүлж чадсан бол одоо өчүүхэн хичээхэд нэгэн сайхан гэр бүлийн амьдралыг аварч бяцхан үрийг ижийтээ нь үлдээх боломжтой юм.

Таны Уянга бүсгүйд хандивласан бага боловч хандив нэгэн залуу гэр бүлд элэг бүтэн амьдрал бэлэглэж, бяцхан хүүг нь ээжтэй үлдэх боломжийг олгох юм.

Таны хийсэн буян мянгаар үржигдэн буцах болтугай!

Хандивын данс: 5429322222 /ХААН БАНК/ М.УЯНГА
Солонгос дах утасны дугаар: 01080886715


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)