Солонгос эрийг сонгуульд өрсөлдөхийг нь зөвшөөрсөнгүй

Олон улсын хөлбөмбөгийн холбоо (ОУХХ)-ны Ёс зүйн хороо Өмнөд Солонгосын иргэн Чхон Мон Жуныг тус байгууллагын ерөнхийлөгчийн сонгуульд орол­цуулахгүй байхаар шийдэв. Хол­бооны дэд ерөнхийлөгч байсан энэ хүн 2010 онд Гүйцэтгэх хо­роо­ны гишүүдтэй холбогдож, 2022 онд ДАШТ явуулах эрхийг БНСУ авбал хөлбөмбөгийн хөгжилд 777 сая ам.доллар хандивлана гэж амласан аж. Энэ үйлдлийг са­нал худалдаж авах гэсэнтэй дүй­цэхүйц ашиг сонирхлын зөрчил гэж Ёс зүйн хороо үзсэн байна.ОУХХ-ны ерөнхийлөгчийн сонгууль 2016 онд хоёрдугаар сарын 26-нд болох бөгөөд Чхон Мон Жунаас гадна Европын хөл­бөмбөгийн холбооны тэр­гүүн Мишель Платини, ЦСКА-гийн дасгалжуулагч бай­сан бразил Зико нар нэрээ дэв­шүү­лээд байгаа. Түүнчлэн Фран­цын хөлбөмбөгчин Давид Жинола, Ар­гентиний алдарт хөл­бөм­бөгч Диего Марадона, Иор­даний хунтайж Али бин Аль-Хусейн нар ч нэрээ дэв­шүүлж өрсөлдөх хүсэлтэйгээ илэр­хийл­сэн. Мэдүүлэг авах хугацаа энэ сарын 26-нд дуусна.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)