С.Батжаргал Зүүн Азийн АШТ-ээс мөнгөн медаль хүртлээ

БНХАУ-ын ХонгКонгт болсон Зүүн Азийн аварга шалгаруулах муайтай боксын тэмцээний 67 кг-д С.Батжаргал мөнгөн медалийн эзэн боллоо. Тэрбээр ХонгКонг, Макаогийн тамирчдыг тус тус хожиж, финалд шалгарсан юм. Харамсалтай нь манай тулаанч аваргын төлөө БНХАУ-ын тамирчин Ли Вонг Жид оноогоор дийлджээ. “Мишээл” клубийн тамирчин Батжаргал Зүүн Азийн аваргаас медаль хүртсэн анхны Монгол тулаанч боллоо. Дашрамд сонирхуулахад, С.Батжаргал ирэх есдүгээр сард БНСУ-д болох Дэлхийн тулааны спортын мастеруудын тоглолт болон Азийн элсний спортын V дугаар наадамд оролцох аж. 


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)