Саран дээрх аппаратад соёолсон үр үхжээ

Сарны ард газардсан Хятадын “Чанъэ-4” аппаратын бүхээгт соёолсон хөвөнгийн үр үхсэн тухай “Xinhua” агентлаг мэдээлэв. Шим тэжээл бүхий битүү саванд явуулсан, “Lunar micro ecosystem” биологийн туршилт удаан хугацаагаар үргэлжилнэ хэмээн эрдэмтэд ч найдаж байгаагүй аж.

Сарны шөнө соёолжийг үхэхэд хүргэсэн гэнэ. Манай гаргийн дагуул дээр шөнө болоход гадаргуугийнх нь температур -170 градус болтлоо доошилдог. Хөвөнгийн үрээс гадна Саран дээр рапс, төмс, тосны ургамлуудын суулгацыг туршсан нь амжилтгүй болжээ. Хятадын “Чанъэ-4” аппарат нэгдүгээр сарын 3-нд Сарны арын Эйткен-Өмнөд туйлын бүсэд анх удаа амжилттай газардсан юм.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)