Салан тусгаарлагчид орон нутгийн сонгуульд ялжээ

Каталонийг Испаниас өрх тусгаарлуулахыг дэм­жиг­чид орон нутгийн сонгуульд ялалт байгуулжээ. Сон­гуулийн ирц 63 хувь буюу 2012 оны бүс нутгийн сон­гуультай харьцуулбал долоон хувиар илүү бай­сан аж. Эрх баригч “Каталонийн ардчилсан конвергенц” бо­лон “Зүүний бүгд найрамдахчууд”, “Зүүний хөдөлгөөн”, “Ка­талонийн ардчилагчид” на­муудаас бүрдсэн “Тусгаар тогт­нолын төлөө хамт­даа” эвсэл 135 суудалтай пар­ламентад 63-66 гишүүн­тэй болох бололтой. Энэ сон­гуулийг тусгаар тогт­нолын асуудлаар саналаа илэр­хийлэх боломж гэж үндэсний үзэлт намууд зарласан аж. Салан тусгаарлагчид парламентад 68-аас доошгүй суу­дал авна гэж тооцоолж буй юм байна. Ингэж чадвал “тус­гаар тогтнолоо олж авах” үйл явц хэрэгжиж, Зас­­гийн газраа төвхнүүлж, хууль тогтоомжоо өөрч­лөх бо­лол­цоотой болох гэнэ. Тэдний үзэж буйгаар 18 сарын дараа Каталони тусгаар тогтносон улс бо­лох аж.Каталони нь Испанийн хөгжин цэцэглэж буй нэг бүс нутаг бөгөөд ДНБ-ийх нь тавны нэгийг үйлд­­­вэр­­­лэдэг. Каталони тусгаар тогтновол төв байр нь Бар­се­лонд байдаг олон компани дампуурах аюул учир ч мэдэх эрсдэлтэй. Түүнээс гадна Ката­ло­нийг Европын хол­бооны бүрэлдэхүүнд тэр дор нь оруулахгүйгээс тус хол­бооны орнуудтай эдийн зас­гийн хамтын ажиллагаа, уял­даа холбоо нь хүндрэх магад­лалтай аж.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)