Онцгой байдлын албан хаагчид 662 хүний амь аварчээ

Манай улсад Онцгой байдлын асуудал эрхэлсэн байгууллага үүсэж, нэгдсэн тогтолцоонд шилжсэний 13 жилийн ойн өдөр өчигдөр тохиолоо. 2003 оны зургадугаар сарын 20-нд УИХ-аас Гамшгаас хамгаалах тухай хуулийг батлан гаргажээ.

Тус хуульд гамшгаас хамгаалах ерөнхий газар байгуулах тухай заасан байж. 13 жилийн дараа уг хуулийг шинэчлэн баталснаар албан хаагчдын цалин, тэтгэвэр, нийгмийн асуудал, техник хэрэгслийн хангамж сайжрах боломж бүрджээ. Ойн өдрөөрөө тэд албан байгууллагаа олон нийтэд таниулах ажил өрнүүлсэн юм.

Дашрамд дурдахад, онцгой байдлын албан хаагчид энэ оны эхний зургаан сард 662 хүний амь аварч, аж ахуйн нэгж, байгууллагын 9.7 тэрбум төгрөгийн эд хөрөнгийг хамгаалжээ.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)