Нью-Йоркт онц байдал зарлалаа

Америкийн зүүн эргийг цасан шуурга дайрах тухай цаг агаарын урьдчилсан мэдээний дагуу Нью-Йорк хот, Нью-Жерси мужид онц байдал зарлажээ. Байгалийн онц байдлын улмаас Ерөнхийлөгч Дональд Трамп Германы Канцлер Ангела Меркельтэй анх удаа хийх гэж байсан уулзалт, хэлэлцээгээ баасан гариг хүртэл хойшлуулсан байна.

Нью-Йоркийн дэлгүүрүүд хоосорчээ

Хурд нь цагт 96 км хүрэх цасан шуурганы үеэр Нью-Йоркт 60 орчим см тунадас унах гэнэ. Тус улсын хамгийн том энэ хотын сургуулиуд хаалгаа барьж, 6500 орчим нислэгийг цуцалжээ.

Эмэгтэйчүүдийн эрхийн талаар бага хурлууд болох байсан НҮБ-ын төв байр ч ажиллахгүй болохоо мэдэгдсэн байна. Нью-Йоркийн бирж ч ажлын хуваариа хөнгөвчилж, ажилтнуудын дийлэнх нь ажиллахгүй болсон нь арилжаанд нөлөөлжээ.

Д.Трамп АНУ-ын Ерөнхийлөгчийн хувиар анх удаа байгалийн гамшгийн уршгийг арилгахаар ажиллах гэж байна. Тэрбээр Дотоодын аюулгүй байдлын яам болон Онц байдлын агентлагийн удирдлагуудтай уулзжээ.

Шуурганы өмнө эрс хүйтрэв


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (1)