Ноолуурын үнэ буурч, махных өсжээ

Түүхий эдийн “Эмээлт” захад өчигдрийн байдлаар адууны ширийг 12 000, цагаан адууныхыг 50 000, тэмээнийхийг 25 000 төгрөгөөр худалдан авч байв. Ямааны арьс том, жижгээсээ хамаарч 20 000-40 000 төгрөгийн үнэтэй байгаа бол хонины нэхий 700, өлөн 500 төгрөгийн ханштай байлаа. Ноолуурыг аль нутгийнх гэдгээс нь хамаарч кг-ыг нь 118 000-126 000 төгрөгөөр худалдан авч байсан нь долоо хоногийн өмнөхөөс 5000 орчим төгрөгөөр буурсан дүн аж. Үүнээс гадна “Хүчит шонхор” захад өчигдрийн байдлаар үхрийн махыг жижиглэнгээр нэг кг-ыг нь 9500-13 000, хониныхыг 7500-9000 төгрөгөөр борлуулж байсан нь долоо хоногийн өмнөхөөс 800-1000 төгрөгөөр өссөн дүн юм.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)