Ном тээсэн жингийн цуваа аялуулна


Монголын утга зохиолын түүхэнд тод мөрөө үлдээсэн яруу найрагч Арлааны Эрдэнэ-Очир хорвоогийн мөнх бусыг үзүүлээд удаагүй билээ. Тэрбээр есөн цагаан тэмээгээр ном тээж, нутагтаа очиж байна гэж зүүдэлснээсээ хойш түүнийгээ биелүүлэхийг хүсэх болсон тухайгаа дурсан нь бий. Зүгээр ч нэг ном тээж очих биш, орон нутагт нүүдлийн номын сан ажиллуулж, хүүхэд багачуудыг номд дуртай болгохыг мөрөөддөг байжээ. Гэсэн ч хүслээ гүйцээж чадалгүй бурхны орныг зорьсон юм. Түүний том хүү Э.Цагаан-Уул аавынхаа хүсэл, мөрөөдлийг биелүүлэх болжээ. Тэрбээр “Миний цуглуулсан хорвоо” ном тээсэн тэмээн жингийн цувааг ирэх сарын 6-нд Дорноговь аймгийн нутаг, Хамрын хийдээс хөдөлгөх бөгөөд 8-нд нь Улаанбадрах сумын төвд очих аж. Уг үйл ажиллагааны хүрээнд “Найргийн гал” түүдэг тойрсон, яруу найргийн уншлага, “Миний цуглуулсан хорвоо” үдшийн цэнгүүн, Ном хүлээлгэж өгөх ёслолын арга хэмжээ зохион байгуулахаар төлөвлөжээ


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)