Налайхын уурхайд нэг хүн амиа алдав

 Он гарсаар Налайхын нүүрсний уурхайд 10 орчим хүн шороонд даруулж нас барсан. Өнгөрсөн сард л гэхэд 24-32 насны долоон залуу 16-хан цагийн дотор золгүйгээр амиа алдсан юм. Гэтэл уржигдар 09.00 цагийн үед Налайх дүүргийн III хорооны нутагт байрлах иргэн Н-ийн эзэмшлийн уурхайн цооногт осол гарч, дахин нэг хүн хорвоогоос оджээ. Энэ талаар тус дүүргийн Онцгой байдлын хэлтсийн дарга Х.Дамжингаас тодрууллаа.

-Ямар шалтгаанаар хүн амиа алдав. Хэдэн настай хүн байсан юм бэ?

-25 настай эрэгтэй Э уурхай агаартай байгаа эсэхийг шалгалгүй шууд орсны улмаас хүчилтөрөгчийн дутагдалд орж, эмнэлгийн тусламж авч чадалгүй газар дээрээ нас барсан. Талийгаач Говь-Алтай аймгаас хамаатныхаа уурхайд ажиллахаар ирсэн юм билээ.

-Цооног агаартай эсэхийг хэрхэн шалгадаг юм бэ?

-Ямар ч тохиолдолд сайтар шалгаж байж орох ёстой. Талийгаач агааргүй орчинд хэрэглэх зориулалтын баггүй байснаас ийм эмгэнэлт явдал боллоо гэв.

С.Аз


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)