М.Анхцэцэг эргэн ирлээ

Үрийн зулай үнэрлэн, спортоос түр хөндийрсөн, ДАШТ-ий хүрэл медальт М.Анхцэцэг бэлтгэлээ хийж эхэлжээ. ОУХМ цолтой тэрбээр амаржсанаасаа хойш таван сарын дараа спортдоо эргэн ирж байгаа нь энэ. Энэ жил залуучуудын ДАШТ-д оролцох М.Анхцэцэгийг формдоо зургаан сарын хугацаанд орно гэж түүний дасгалжуулагч Ц.Хосбаяр тооцоолсон гэнэ. 

Риогийн олимпод VIII байрт шалгарч, улсынхаа дээд амжилтыг 70 гаруй удаа шинэчилсэн тэрбээр Азийн АШТ-д түрүүлсэн, Дэлхийн цомын аварга шалгаруулах тэмцээн, оюутны ДАШТ-ээс медаль хүртсэн Монголын анхны туйванч юм. Хүндийг өргөлтөөр 11 жил хичээллэж буй М.Анхцэцэг 2010 онд спортын мастер, дараа жил нь (13 насандаа) олон улсын хэмжээний мастер болсон юм.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (8)