Мянга, мянган хүүхдийн эрүүл энхийн төлөө сайн үйлсийн аян зохион байгуулжээ

Цагдаа, дотоодын цэргийн байгууллагын удирдах ажилтны зөвлөгөөн болж байгаатай холбогдуулан удирдах ажилтнуудын зүгээс нийгмийн сайн сайхны төлөө, хүүхэд багачуудын эрүүл мэндийг сахин хамгаалах  үйлсэд хувь нэмрээ оруулах зорилгоор “Сайн үйлсийн аян”-ыг зохион байгуууллаа.

Эх хүүхдийн  Эрүүл мэндийн  Үндэсний төвд 0-28  хоногтой хүүхдүүдэд нэн  шаардлагатай, 10 нэр төрлийн бүрэлдэхүүн хэсгүүдээс багтсан 7.5 сая төгрөгийн өртөгтэй хүчилтөрөгчийн аппаратыг хүлээлгэн өгсөн юм. Энэхүү үйл ажиллагаагаар дамжуулан бусад төрийн байгууллагын удирдах албан тушаалтнуудаа уриалж, жил бүр уламжлал болгон зохион байгуулахаар боллоо. Эх хүүхдийн эрүүл мэндийн Үндэсний  төвийн дэд захирал Ц.Алтантуяа:

“Манай эмнэлэгт жилдээ 0-28 хоногтой 2500 орчим хүүхдүүд хэвтэн эмчлүүлдэг. Үүнээс 50 орчим хувь нь хугацаанаасаа өмнө эхээс мэндэлдэг учраас манай байгууллагад нэн шаардлагатай аппарат хэрэгсэл маань байсан. Төрийн байгууллагуудаас анх удаа удирдах ажилтнууд нь өөрсдөө санаачлан,  мянга мянган хүүхдийн эрүүл энхийн төлөө сайн үйлсийн аян зохион байгуулсанд маш их баярлалаа” гэж онцолсон юм.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)