Мэргэжлийн хяналтын хэлтсийн дарга М.Баасандоржийг хорих 461-р ангид хорьжээ

Авлигатай тэмцэх газар Сүхбаатар дүүргийн Мэргэжлийн хяналтын хэлтсийн дарга асан М.Баасандоржийг албан тушаалаа урвуулан ашиглан авлига авсан байж болзошгүй гэх үндэслэлээр энэ сарын 15-ны өдөр цагдан хорьжээ. Түүнийг шүүгчийн захирамжаар цагдан хорих 461-р ангид нэг сарын хугацаатай хорьж, шалгахаар болсон байна. 

Өнгөрсөн тавдугаар сард М.Баасандорж нь дүүргийн Мэргэжлийн хяналтын хэлтсийн даргаар ажиллаж байхдаа ашиг сонирхлын зөрчлөөс үүдэн сахилгын шийтгэл хүлээж, албан тушаал буурч байжээ. 

Тэрбээр 2003 оноос хойш Мэргэжлийн хяналтын газрын хуулийн зөвлөх, эрхзүйн мэргэжилтэн, тасгийн дарга, ахлах байцаагч мөн Чингэлтэй, Сонгинохайрхан, Сүхбаатар дүүргийн Мэргэжлийн хяналтын хэлтсийн дарга зэрэг албан тушаал тус тус хашиж байжээ.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (8)