Монгол, Японы сургалтын эмнэлгийн үйл ажиллагаа сэргэх нь

Монгол, Японы сургалтын эмнэлэг санхүүжилтгүйн улмаас үйл ажиллагаагаа зогсоосон билээ. Тэгвэл тус эмнэлгийн асуудлыг хэлэлцэн, ажлын хоёр хэсэг томилж, санхүүжилтийг нь шийдвэрлэсэн талаар БСШУСЯ-наас мэдээлэв. Тодруулбал, тус эмнэлгийн ажилтнуудын цалин болон эм, урвалж, эмнэлгийн хэрэгсэл зэрэг урсгал зардалд БСШУС-ын сайдын багцаас найман тэрбум төгрөгийн санхүүжилт олгох болжээ.

Мөн АШУҮИС-иас нэг, Дэлхийн банкнаас 12.8, Эрүүл мэндийн сайдын багцаас 2.3 тэрбум төгрөгийн хөрөнгө оруулах нь. Ташрамд дурдахад, Засгийн газрын 165 дугаар тогтоолоор тус эмнэлэгт “АШУҮИС-ийн Монгол, Япон эмнэлэг” гэсэн нэр олгосон байна.

Бэлтгэсэн: Б.Анх


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (2)