Меркелийн өрсөлдөгч тодорхой болж буй бололтой

Өнөө цагийн аливаа далайцтай асуудыг Оросын оролцоогүйгээр шийдвэрлэж ча­дах­­гүй гэдэгт эргэлздэггүйгээ Гер­ма­ны Бавар мужийн Ерөнхий сайд Хорст Зее­хофер Мюнхен хотод болсон Хрис­то­сын нийгмийн холбоо намын их ху­рал дээр үг хэлэхдээ илэрхийлжээ. Тэгэх­дээ ийм байр суурьтай байгаа нь АНУ-тай Германы тогтоосон найрамдал нөхөр­лөлийг сэвтээх ёсгүй гэж хэлсэн аж. Тэрбээр ирэх онд өөрийн биеэр Орост очиж Ерөн­хий­лөгч Путинтэй нь уулзах бодол­той­гоо ч нуусангүй.Христосын нийгмийн холбоо намыг 2008 оноос Зеехофер толгойлж буй бө­гөөд сая дахин сонгогджээ. Тус нам Канц­лер Ангела Меркелийн Христосын ард­чил­сан холбоо намтай эвсэл болон эрх барьж буй юм.

Зеехофер лалын шашинтай ор­нуу­даас хүлээж авах дүрвэгсдийн тоог хяз­гаар­лахын төлөө сүүлийн таван жилд идэвх­тэй тэмцэж байгаа. Тиймээс энэ асууд­лаар Меркелийн баримталж буй бодлогыг ил шулуун шүүмжилдэг нь гер­ман­чуудын анхаарлыг ихээхэн та­таж буй аж. Тиймээс ч одоо 61 настай, Канц­лерийн албыг хашаад яг 10 жил болж буй, чансаа нь буурж байгаа Меркельтэй 2017 онд болох Парламентын сонгуульд  өр­сөл­дөх гол хүн нь Зеехофер байх болно гэж үзэж буй юм. Гэхдээ Германы санхүү, эдийн засгийн байдал тогтвортой байгаа болохоор “Меркелийн эрин төгсөх тухай ярих нь эрт” гэж үзэх хүн ч цөөнгүй байгаа юм.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)