МАН: УИХ-ын гишүүн Д.Хаянхярваа, Хотын захирагч асан С.Батболд нарыг УЗ-өөс хасжээ

МАН-ын 28 дугаар Бага хуралдаанаас гарсан шийдвэрийн талаар өнөөдөр тус намын МАН-ын Удирдах зөвлөлийн Намын байгуулалтын газрын дарга Б.Баярбаатар мэдээлэл хийв.

УИХ-ын гишүүн Д.Хаянхярваа, Нийслэлийн Засаг дарга асан С.Батболд нарыг намын Удирдах зөвлөлийн гишүүнээс чөлөөлж, нийслэлийн МАН-ын дарга Д.Сумъяабазар, НИТХ-ын дарга С.Амарсайхан нарыг гишүүдийн 100 хувийн саналаар нөхөн томилсон. Мөн 11 гишүүнийг бага хурлын гишүүнээс чөлөөлжээ.

Мөн УИХ-ын даргыг огцруулах тогтоол баталсан бөгөөд энэ талаар "МАН-ын дарга У.Хүрэлсүх хуулийн дагуу УИХ-ын дарга М.Энхболдыг өөрөө огцрох өргөдлөө өгөх хэрэгтэй гэсэн саналыг намын бага хурлаар оруулж ирсэн. Уг саналыг бага хурлын гишүүд дэмжиж байна уу гэсэн томъёоллоор санал хурааж, тогтоолоо баталсан" гэлээ.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (2)