“Малчдын булаг” төсөл 19.4 сая төгрөгийн санхүүжилттэй болов


Говь-Алтай аймгийн Баян-Уул сумын ерөнхий боловсролын сургуулийн эко клубийн сурагчид Нарангийн булгийн эхийг хамгаалах зорилготой “Малчдын булаг” төсөл санаачилж, түүнийг нь есөн малчин дэмжин, 2.1 сая төгрөгийн хандив өргөсөн тухай бид өмнө нь мэдээлсэн. Зэрлэг амьтан, тэр дундаа бөхөн ундаалдаг уст цэгүүдийг хамгаалахад чиглэсэн эл санаачилгыг тус аймгийн Хөхморьт, Баян-Уул, Шарга, Төгрөг, Тонхил, Дарви сумын эко элч нар орон нутагтаа хэрэгжүүлэх болсныг малчид идэвхтэй дэмжиж байгаа гэнэ. “Төслийг найман суманд хэрэгжүүлж, долоон булгийн эхийг хашиж хамгаалах учир “Малчдын булаг” бус, “Хүүхэд, мал, малчин, булаг 1, 2,...7” гэж нэрлэх болсон” гэж Дэлхийн байгаль хамгаалах сангийн Монгол дахь хөтөлбөрийн газрынхан мэдээлэв.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)