Мадонна, Роберт Де Ниро, Леди Гага, Элтон Жон зэрэг одууд цахим халдлагын золиос болжээ


Хакерууд Америкийн шоу бизнесийн болон Холливудын одод тухайлбал Род Стюарт, рэппер Лил Нас Х, Роберт Де Ниро, Мадонна, Элтон Жон зэрэг хүмүүсийн үйлчлүүлдэг “Grubman Shire Meiselas & Sacks” хуулийн байгууллагын компьютерын системд халджээ. Тус хуулийн байгууллагын цахим систем маш өндөр хамгаалалттай нэвтрэх боломжгүй гэдэг ч хакерууд дээрх одуудын гэрээ, хувийн захидал зэргийг агуулсан 756 гигабайт мэдээллийг гартаа оруулсан хэмээн мэдэгджээ. Халдлага үйлдсэн хүмүүс дуучин Мадоннагийн “Madame X” нэртэй 2019-2020 онд хийсэн аялан тоглолтын гэрээний скриншортын хэвлэн тус хуулийн байгууллагаас барьцааны мөнгө шаардсан байна. Гэмт этгээдүүд хэдий хэр мөнгө шаардсан нь одоогоор тодорхойгүй байна. Grubman Shire Meiselas & Sacks компани бий болсон нөхцөл байдлыг шийдвэрлэхийн тулд боломжтой бүхнийг хийж байгаа талаар мэдэгдэлдээ тэмдэглэжээ.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)