Леброн хамтарсан жагсаал хийхийг уриалав

“Лос-Анжелес дожерс” баг өнгөрсөн мягмар гарагт “Тампа бэй” багийг цувралын зургаа дахь тоглолтод ялж, түүхэндээ долоо дахь удаагаа MLB-ийн аваргаар шалгарсан. Үүнд баярласан “Лейкерс” багийн лидер Л.Жэймс аваргын жагсаалыг хамт хийх санал гаргажээ. Түүний тэргүүлсэн “Лейкерс” энэ сарын эхээр NBA-ийн 17 дахь цомоо хүртэв. Леброн твиттертээ “Баярын жагсаал! Аюулгүй, амны хаалттай жагсаал. Хоёр баг хамтдаа жагсаал хийж болох уу? Болохгүй гэдгийг мэдэж байгаа ч “Лейкерс” болон “Дожерс”-ын хөгжөөн дэмжигчид хамтдаа баярлахыг ямар их хүсэж байна аа! Лос-Анжелес бол аваргуудын хот!” гэж жиргэсэн байна.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)