Куба улстай эрүүл мэнд, байгаль орчны салбарт хамтран ажиллана

Монгол, БНКУ-ын Гадаад харилцааны яамд хоорондын гуравдугаар Зөвлөлдөх уулзалт 2019 оны нэгдүгээр сарын 18-19-нд Хавана хотноо зохион байгуулагдлаа. Уулзалтын үеэр талууд 2020 онд тохиох хоёр орны хооронд дипломат харилцаа тогтоосны 60 жилийн ойг тэмдэглэх, өндөр түвшний айлчлал зохион байгуулах асуудлаар санал солилцлоо.

Мөн шинжлэх ухаан, технолог, эрдэм шинжилгээ, судалгааны байгууллагуудын хамтын ажиллагааг эхлүүлэх талаар ярилцаж “харилцан ойлголцлын санамж бичиг”-т гарын үсэг зурав.

Кубын талаас манай улстай эрүүл мэнд, биотехнологийн салбар, ялангуяа чихрийн шижин өвчнийг эмчлэх, элэгний “В” болон ”Дельта” вирусыг устгах, зүрхний шигдээсээс урьдчилан сэргийлэх чиглэлд хамтран ажиллах, малын шүлхий болон хачиг зэрэг шимэгч амьтны эсрэг вакцин нийлүүлэх сонирхлоо илэрхийлжээ.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)