Конгод улаан бурхан өвчингөөр 5000 хүн нас баржээ


Конго Улсад улаан бурхан өвчин тархсаны улмаас энэ онд нийт 5000 орчим хүн нас барсан талаар Дэлхийн эрүүл мэндийн байгууллага мэдээлэв. Тус байгууллагын мэдээлснээр улаан бурхны хамгийн өргөн хүрээг хамарсан, хамгийн хурдан тархалт Конгод бүртгэгджээ. Сүүлийн 15 сарын хугацаанд тус улсад улаан бурхны улмаас нас барсан хүний тоо “Эбола” вирусийн халдварын улмаас нас барсан хүний тооноос хоёр дахин их хэмжээнд хүрсэн байна. Хэдий өнгөрсөн 9-р сард 800 мянга гаруй хүүхдийг урьдчилан сэргийлэх тарилгад хамруулах зорилгоор яаралтай вакцинжуулалтын хөтөлбөрийг эхлүүлсэн ч дэд бүтцийн хөгжил муу мөн эрүүл мэндийн төвүүд халдлагад өртсөн шалтгаанаар өвчний тархалтыг зогсооход хүндрэл учирчээ. Улаан бурхны халдвар авсан хүүхдүүдийн дийлэнхийг 1 хүртэлх насны хүүхдүүд эзэлж байгаа аж.


Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)